शिरूर विधानसभा मतदारसंघांमध्ये विद्यमान आमदार अशोक पवार यांनी व त्यांच्या कार्यकर्त्यांनी निवडणुकीची एक फेरी पूर्ण करून दुसऱ्या फेरी संपत आली आहे परंतु अजूनही महायुतीचा उमेदवार ठरत नाही त्यामुळे महायुतीत घोळात घोळ असल्याचे दिसून येत आहे.
शिरूर विधानसभेचा बिगुल कालच वाजला परंतु शिरूर ची जागा महायुती मधून कोण लढवणार याबाबत अजूनही एकमत असल्याचे दिसून येत आहे.
ही जागा भारतीय जनता पार्टी की राष्ट्रवादी काँग्रेस पक्ष अजित पवार यापैकी कोण लढवणार यासाठी मोठी रस्सीखेच असल्याचे दिसून आले आहे. शिरूर हवेली भारतीय जनता पार्टीचे प्रमुख नेते या जागे बद्दल मौन बाळगले आहे. तर राष्ट्रवादी काँग्रेस अजित पवार गटाचे नेते ही जागा आम्हालाच मिळेल असे म्हणून वेळ काढून नेत आहे.
शिरूर हवेली विधानसभा मतदारसंघ म्हणजे म्हणावा असा आता चौका राहिलेला नाही. या मतदारसंघांमध्ये ४ लाख ६० हजार च्या आसपास मतदान आहे. त्यामुळे त्या मतदारांच्या पर्यंत पोहोचणे दहा पंधरा वीस दिवसात शक्य नाही. तसेच निवडणुकीचे नियोजन करणे कार्यकर्त्यांपर्यंत पोहोचणे कार्यकर्त्यांकडून मतदारांपर्यंत पोहोचणे हे लवकरात लवकर होणे गरजेचे आहे.
केवळ मोजक्या नेत्यांना हाती धरून निवडणूक जिंकता येणार नाही याचा प्रत्यय आपण लोकसभा निवडणुकीमध्ये पाहिला आहे.
त्यात राष्ट्रवादी काँग्रेस शरदचद्र पवार पक्षाची विद्यमान आमदार अशोक पवार त्यांचे कुटुंब नातेवाईक राष्ट्रवादी काँग्रेस पक्षाचे कार्यकर्ते रात्रंदिवस ही निवडणूक जिंकण्यासाठी मेहनत घेत आहे. घरोघरी जाऊन निवडणूक जाहीर होण्याअगोदरच उमेदवाराच्या नावाचे पॉम्पलेट वाटणे. त्यांना मतदान करण्याची विनंती करत आहे. त्यांच्या प्रचाराची एक फेरी पूर्ण होऊन दुसरीही पूर्ण होण्याच्या तयारीत आहे. त्यात आमदार अशोक पवार यांनी शेकडो कोटीची कामे शिरूर हवेली विधानसभा मतदारसंघांमध्ये मंजूर करून आणली आणि निवडणुक जाहीर होण्याची पत्रकार परिषद सुरू होण्याअगोदर भूमिपूजन पूर्ण करून लोकांच्या गाठीभाठी तसेच आमदार आपल्या गावात मुक्कामी या धर्तीवर अनेक गावांमध्ये एक दिवस मुक्काम करून त्यांनी प्रचारही केला आहे.
त्यांच्या प्रचाराची नियोजन बघता महायुती कडून अद्याप उमेदवार जाहीर नाही .कोणी म्हणते प्रदीप कंद कोणी म्हणतात माऊली कटके... तर काही इच्छुक उमेदवार राष्ट्रवादी कडून शांताराम बापू कटके, भाजपाचे संजय पाचंगे, जयश्रीताई पलांडे, भाजपाचे राहुल पाचर्णे हे ही उमेदवारीच्या प्रतीक्षेत असल्याचे बोलले जात आहे.
मात्र अद्यापही या जागेबाबत महायुतीकडून कुठलाही निर्णय झाला नसून कोणाच्या गळ्यात माळ पडणार याकडे शिरूर हवेलीच्या जनतेचे मतदाराचे लक्ष लागून राहिले आहे.
त्यामुळे आज तरी राष्ट्रवादी काँग्रेस शरदचंद्र पवार पक्षाचे विद्यमान आमदार अशोक पवार हे एकमेव उमेदवार शिरूर विधानसभा मतदारसंघांमध्ये उभे ठाकले असून त्यांना जोडीचा पहिलवान महायुती कधी देणार याकडे सगळ्यांचेच लक्ष लागले आहे.
