शिरूर विधानसभा मतदारसंघाची जागा कोणाकडे राष्ट्रवादी काँग्रेस अजित पवार का? भारतीय जनता पक्षाकडे अद्याप गुलदस्त्यात असून, आज तरी जिल्हा परिषदेचे माजी अध्यक्ष प्रदीप कंद व अजित पवार गटाचे शांताराम बापू कटके तसेच अजित पवार गटाच्या वाटेवर असणारे माऊली उर्फ ज्ञानेश्वर कटके हे मात्र द्विधा मनस्थितीत आहे.
शिरूर विधानसभेची जागेवर सध्या राष्ट्रवादी काँग्रेस शरदचंद्र पवार गटाचे आमदार अशोक पवार यांच्याकडे आहे. परंतु या जागेवर या अगोदरही भारतीय जनता पक्षाचे स्व .बाबुराव पाचर्णे हे आमदार म्हणून राहिलेले आहे. त्यामुळे ही जागा भारतीय जनता पक्ष ही मागणार व अजित पवारही मागणार हे नक्की खरे असून यासाठी मोठी ताकद दोन्ही पक्षाची नेते व कार्यकर्ते लावणार आहे.
त्यात भारतीय जनता पक्षाकडून प्रदीप कांदा यांनी या जागेसाठी मोठी ताकद लावली आहे. घोडगंगा कारखाना असो किंवा इतर तालुक्यातील आंदोलने असो याबाबत होणाऱ्या आंदोलनात सक्रिय सहभाग घेऊन महाविकास आघाडीला जाब विचारण्याचे काम त्यांनी केले आहे. तसेच नागरिकांची डायरेक्ट संबंध त्यांनी जोडला आहे. तर अशोक पवार यांच्या कायमच विरोधात राहिलेली म्हणून कंद यांची ओळख आहे.
ज्ञानेश्वर उर्फ माऊली कटके हे शिवसेना उद्धव बाळासाहेब ठाकरे गटातील जिल्हा अध्यक्ष म्हणून काम पाहिले आहे. परंतु गेल्या दोन तीन महिन्यांमध्ये त्यांनी काढलेल्या उज्जैन दर्शनाच्या सहलीमुळे त्यांनी नागरिकापर्यंत पोहोचण्याची काम केले आहे. तर ही जागा शिवसेना उद्धव बाळासाहेब ठाकरे गटाला नसल्याने त्यांनी राष्ट्रवादी काँग्रेस अजित पवार पक्षाकडे जाण्याची मोठी चर्चा आहे.
तर शांताराम बापू कटके हे मात्र राष्ट्रवादी काँग्रेस पक्ष अजित पवार यांच्याकडून उमेदवारीसाठी इच्छुक आहे. त्यांनी याबाबत भाष्य हि केले आहे. व काही प्रमाणात त्यांनी शिरूर हवेली मतदारसंघांमध्ये मोर्चा वळवला असल्याचे थोड्याफार प्रमाणात दिसून आले.
भारतीय जनता पक्षाचे कार्यकर्ते मोठ्या प्रमाणात शिरूर हवेली विधानसभा मतदारसंघांमध्ये आहे. या कार्यकर्त्यांची मोठी नेटवर्क सुद्धा या मतदारसंघांमध्ये आहे. त्यात मागील 2019 च्या निवडणुकीमध्ये राष्ट्रवादी काँग्रेस पक्षाकडून तिकीट न मिळाल्याने प्रदीप कंद यांनी आमदार बाबुराव पाचर्णे यांच्याबरोबर राहून भाजप पक्षामध्ये प्रवेश केला होता. त्यामुळे भारतीय जनता पक्षाला एक तगडा भविष्यातील उमेदवार सापडला होता. त्यात माजी आमदार स्वर्गीय बाबुराव पाचर्णे यांचे निधन झाले त्यामुळे या भागामध्ये पाचर्णे सारखा दुसरा कार्यकर्ता भारतीय जनता पक्षाकडे नव्हता त्यात प्रदीप कंद अगोदरच आल्याने ही जागा आज भरून निघाली आहे.
परंतु पुणे जिल्ह्यामध्ये आपले वर्चस्व राहावे यासाठी राष्ट्रवादी काँग्रेस पक्ष अजित पवार यांचे प्रमुख राज्याचे उपमुख्यमंत्री पुणे जिल्ह्याचे पालकमंत्री अजित पवार हे शिरूर विधानसभेच्या जागेसाठी आग्रही आहे परंतु त्यांच्याकडे खमका उमेदवार आज तरी नसला तरी ज्ञानेश्वर उर्फ माऊली कटके यांना पक्षात घेऊन ते आयात उमेदवार या भागात उभे करण्याच्या तयारीत असल्याचे दिसून येत आहे.
त्यामुळे शिरूर विधानसभा मतदारसंघाची जागा नक्की कोणत्या पक्षाकडे जाणार भारतीय जनता पक्ष का? राष्ट्रवादी काँग्रेस पक्ष अजित पवार गट हे आज तरी सांगणे शक्य नसले तरी ही जागा अदलाबदल झाली तर दोन्ही पक्षांच्या कार्यकर्त्यांमध्ये मोठी नाराजी पसरणार आहे त्याचा मोठा फटका महायुतीला बसेल हे सांगणे अवघड नाही.
