तळेगाव ढमढेरे ता. शिरूर येथे डेटिंग अँप चा वापर करून नागरिकाला जाळ्यात अडकवून त्याचे अपहरण करून त्याचे विचित्र फोटो दाखवून त्याची लाखो रुपयाची फसवणूक करणाऱ्या तीन सराईत गुन्हेगारांना पुणे स्थानिक गुन्हे शाखेच्या पथकाने अटक केली आहे.आरोपींनी शिक्रापूर परिसरात अशा प्रकारचे तीन व लोणीकंद पोलीस स्टेशन हद्दीत एक अशा एकूण चार गुन्हे केल्याची कबुली दिली आहे.
याबाबत सुशांत पोपट नागरे (वय २५ वर्षे रा. प्रेमभारती नगर, बोल्हेगाव ता.जि. अहमदनगर),मयुर राजू गायकवाड (वय २४ वर्षे रा. गांधीनगर चौथे कॉलनी, बोल्हेगाव अहमदनगर),श्रेयस भाउसाहेब आंग्रे (वय २४ वर्षे रा. संभाजीनगर, नागापूर अहमदनगर ) या तिघांना पोलीस पथकाने अटक केली आहे.
याबाबत अशरफ अब्बास धोंडफोडे (वय ३६ रा. विशालविश्व सोसायटी तळेगाव ढमढेरे ता. शिरुर जि. पुणे )यांनी शिक्रापूर पोलीस स्टेशन येथे फिर्याद दिली होती.
याबाबत पोलिसांनी दिलेली माहिती पुढीलप्रमाणे फिर्यादी हे तळेगाव ढमढेरे जय मल्हार खानावळ जवळ रोडलगत उभे असताना चारचाकी वाहनातील इसमांनी मुंबईला जाण्याचा पत्ता विचारण्याचे बहाण्याने फियार्दी जवळ गाडी थांबवून त्यांना जबरदस्तीने चारचाकी नध्ये बसविले. चारचाकी वाहनातील अनोळखी तीन इसमांनी फिर्यादोस मारहाण करून त्याचे कडील मोबाईल काढून घेतला, फिर्यादीस घेवून पुणे नगर हायवे रोडने नगर बाजूकडे जात असताना चारचाकीतील आरोपी हे कारेगाव येथे पाण्याची बाटली घेण्यासाठी उत्तरले असता, फिर्यादीने संधी फायदा घेवून गाडीतून उतरून पळून गेला होता याबाबत शिक्रापूर पोलीस स्टेशन येथे गुन्हा दाखल करण्यात आला होता. सदर गुन्ह्याचा तपास करण्याच्या सूचना पुणे ग्रामीण पोलीस अधीक्षक पंकज देशमुख यांनी दिल्या होत्या या गुन्ह्याचा तपास सीसी टिव्ही फुटेज व कारचे वर्णन यावरून ही कार नगरच्या दिशेने गेल्याचे दिसले. त्यानंतर नगर जिल्ह्यातील रेकॉर्डवरील गुन्हेगारांची माहिती घेण्यात आली. गुन्ह्यात पांढऱ्या रंगाच्या पोलो कारचा वापर करण्यात आला होता. याची माहिती घेतली असता ही कार सुशांत नांगरे वापरत असल्याची माहिती मिळाली. पोलीस पथकाने सापळा रचून नांगरे याला अहिल्यानगर (अहमदनगर) येथून ताब्यात घेतले
त्याच्याकडे अधिक तपास केला असता त्याचे गायकवाड, आंग्रे या दोन साथीदार यांची नावे निष्पन्न झाली त्यांनाही ताब्यात घेण्यात आले.आरोपींकडे सखोल चौकशी केली असता, आरोपी यांनी मोबाईल मधील ग्रीडर डेटींग अॅप चा वापर केला होता. सदर अॅपचे माध्यमातून अनोळखी व्यक्तीला संपर्कात आणले जाते. त्याचेकडून त्याचे लोकेशन घेवून त्या लोकेशनला पोहचून आरोपी समोरील व्यक्तीस सोबत घेतात, त्यानंतर त्या व्यक्तीचे विचीत्र फोटो घेवून त्यास भिती घालून पैसे घेतले जातात. आरोपींनी शिक्रापूर परिसरात अशा प्रकारचे तीन व लोणीकंद पोलीस स्टेशन हद्दीत एक अशा एकूण चार घटना केलेल्या असून त्यांनी सदर घटनेमध्ये ८० हजार रूपये जबरीने घेतलेले असल्याचे तपासात निष्पन्न झालेले आहे.
ग्रींडर डेटोंग ॲप अगर इतर मोबाईल ॲपद्वारे संपर्कात येवून कोणत्याहो नागरीकांना लुटण्यात आले असल्यास अगर ब्लॅकमेल केले जात असल्यास त्यांनी शिक्रापूर पोलीस स्टेशन येथे संपर्क साधावा.
सदरची कारवाई पुणे ग्रामीण पोलीस अधीक्षक पंकज देशमुख, पुणे विभाग अप्पर पोलीस अधीक्षक रमेश चोपडे, शिरूर उपविभागीय पोलीस अधिकारी प्रशांत ढोले, यांच्या मार्गदर्शनाखाली स्थानिक गुन्हे शाखेचे पोलीस निरीक्षक अविनाश शिळीमकर, शिक्रापूर पोलीस स्टेशनचे पोलीस निरीक्षक दीपरत्न गायकवाड, स्थानिक गुन्हे शाखेचे पोलीस उपनिरीक्षक अमित सिद पाटील, पोलीस अंमलदार तुषार पंदारे, जनार्दन शेळके, राजू मोमीण, संजू जाधत्र, सागर धुमाळ, यांनी केली असून पुढील तपास शिक्रापूर पोलीस स्टेशनचे पोलीस उपनिरीक्षक महेश डोंगरे करीत आहे.
.
,
