१९८ शिरूर विधानसभेसाठी महाविकास आघाडीचे व राष्ट्रवादी काँग्रेस शरदचंद्र पवार पक्षाचे विद्यमान आमदार ॲड. अशोक रावसाहेब पवार दिनांक २४ ऑक्टोबर रोजी आपला उमेदवारी अर्ज भरणार असल्याचे त्यांनी नाईन स्टार न्युज यांच्याशी बोलताना सांगितले.
उमेदवारी अर्ज भरताना राष्ट्रवादी काँग्रेस पक्ष शरदचंद्र पवार यांचे उमेदवार अशोक पवार मोठे शक्ती प्रदर्शन करण्याची शक्यता असून शिरूर शहरांमध्ये सभा होण्यार आहे. शिरूर बाजार समिती आवारातील छत्रपती शिवाजी महाराज यांच्या पुतळ्यास व भारतरत्न डॉक्टर बाबासाहेब आंबेडकर पुतळ्यास पुष्पहार घालून ते उमेदवारी अर्ज दाखल करतील.
१९८ शिरूर विधानसभा मतदारसंघात उमेदवारी अर्ज भरण्यास सुरुवात झाली असली तरी आज पहिल्याच दिवशी पंढरीनाथ मल्हारी गोरडे यांचा आपला उमेदवारी अर्ज दाखल झाला तर आज पर्यंत २० उमेदवारांनी ५५ उमेदवारी अर्ज नेले असल्याचे निवडणुक निर्णय अधिकारी संगीता राजापुरकर व सहाय्यक निवडणुक अधिकारी बाळासाहेब म्हस्के यांनी सांगितले.
शिरूरचे विद्यमान आमदार अशोक पवार, भारतीय जनता पार्टीचे उद्योग आघाडीचे जिल्हाध्यक्ष संजय पाचंगे, राष्ट्रवादी काँग्रेस अजित पवार पक्षाचे चंदन सोंडेकर यांनी आज उमेदवारी अर्ज घेतला आहे.
२२ ऑक्टोबर ते २९ ऑक्टोबर दरम्यान शिरूर तहसील कार्यालय येथे उमेदवारी अर्ज स्वीकारण्यात येणार आहे.
यासाठीची सर्व तयारी झाली असून, सकाळी ११ ते दुपारी ३ वाजेपर्यंत उमेदवारी अर्ज तहसीलदार कार्यालय येथील तहसीलदार यांच्या चेंबरमध्ये स्वीकारले जाणार आहेत.
शिरूर तहसील कार्यालय व संबंधित कार्यालयांमध्ये शासकीय कामासाठी येणाऱ्या नागरिकांनी ११ ते ३ या वेळेत येऊ नये असे आवाहन शिरूर ते तहसीलदार बाळासाहेब म्हस्के यांनी करून दुपारी तीन नंतर नागरिकांनी आपापल्या कामासाठी तहसीलदार कार्यालय व इतर कार्यालयात यावे असेही सांगीतले.
-----------------------------------------------
🏡✨ शिरुरच्या अतिविकसित परिसरात आपल्या स्वप्नातील घर खरेदीसाठी सर्वोत्तम पर्याय
"केवल कुंज"
1BHK फ्लॅट्स,2BHK फ्लॅट्स
3BHK फ्लॅट्स
आजच तुमच्या स्वप्नातील घर बुक करा...
केवल कुंज
पत्ता: पुणे - नगर बायपास रोड,
टेलीफोन एक्सचेंज समोर, शिरूर, पुणे 412210
📞 संपर्क: 8272 8272 45 / 8272 8272 75
