शिरुर तालुक्याच्या पुर्व भागातील निमोणे गावात ग्रामपंचायत कार्यालयाकडुन कोणतीही परवानगी न घेता मुख्य चौकात श्री छत्रपती शिवाजी महाराज यांचा पुतळा बसविल्याने दोन माजी सरपंचासह सतरा जणांवर गुन्हा दाखल करण्यात आला असुन याबाबत ग्रामसेवक बाळासाहेब बबनराव शेळके (वय ५३) रा. आंबळे ता. शिरुर, जि. पुणे यांनी शिरुर पोलिस स्टेशन येथे फिर्याद दाखल केली आहे.
या प्रकरणी १) शामकांत राजहंस काळे २) संजय ज्ञानदेव काळे ३) भाऊसाहेब भागचंदं काळे ४) संतोष ज्ञानदेव काळे ५) गोरक्ष नाना काळे ६) संदिप किसन काळे ७) विजय खंडू पोटे ८) दिलीप चंदर काळे ९) अक्षय धोंडीबा दोरगे १०) संतोष माणिक जाधव ११) प्रविण बाबुराव दोरगे १२) संदिप अर्जुन गव्हाणे १३) सागर दिलीप काळे १४) श्रीकांत प्रकाश दोरगे १५) नागेश रघुनाथ काळे १६) शिवाजी राजाराम जाधव १७) प्रमोद वसंत जगताप (सर्वजण रा.निमोणे, ता. शिरुर, जि. पुणे) यांच्यावर गुन्हा दाखल करण्यात आला आहे.
याबाबत पोलिसांकडून मिळालेली माहिती पुढील
निमोणे गावात छत्रपती शिवाजी महाराज यांचे तैल चित्र तसेच स्वराज्य ध्वज उभा करण्याचा व यासाठी लोकवर्गनी गोळा करण्याचा ठराव ग्रामसभेत करण्यात आला होता. यासाठी गावच्या चौकातील गावठणच्या जागेची निवड करण्यात आली होती. तसेच येथे अनेक दिवसापासून चौथरा उभारण्याचे काम चालू होते. परंतु काही ग्रामस्थांचा यास विरोध होता. चौथराचे काम पूर्ण झाल्यानंतर शुक्रवारी (दि.११) रात्री माजी सरपंच व सदस्य यांनी बांधकाम विभाग व इतर कोणत्याही विभागांची परवानगी न घेता छत्रपती शिवाजी महाराज यांचा पुतळा उभा केला, यावर काही ग्रामस्थांनी आक्षेप नोंदवला. यामुळे गावात तनाव निर्माण झाला होता. यामुळे शिरूरच्या पोलिसांनी तातडीने तेथे पथक पाठवले परंतु काही ग्रामस्थयांनी आक्रमक भूमिका घेत पोलिस उपअधीक्षक यांच्याकडे तक्रार केली होती. यामुळे आज दुपारी पोलिस उपअधीक्षक प्रशांत ढोले यांनी ग्रामस्थाची बैठक घेऊन सूचना केल्या. तसेच पुतळ्याल्याची पवित्रता पळत सन्मानपूर्वक पुतळा काढून घेण्याची सूचना केली. पर्णू यास सबंधितांनी नकार दिल्यानंतर नियम व अटी मोडनारांवर गुन्हे दाखल करण्याचे आदेश ढोले यांनी दिले.
बाळासाहेब शेळके यांनी याबाबत शिरुर पंचायत समितीचे गटविकास अधिकारी महेश डोके यांच्याशी सदर प्रकाराबाबत चर्चा करुन शिरुर पोलीस स्टेशन येथे तक्रार दाखल केली असुन सतरा जणांवर गुन्हे दाखल करण्यात आली असून पुढील तपास पोलिस निरीक्षक संदेश केंजळे यांच्या मार्गदर्शनाखाली पोलिस हवालदार शिवाजी बनकर हे पुढील तपास करत आहेत करण्यात आले आहेत.
