रांजणगावात कुरिअरबॉयकडून पार्सलचा अपहार
प्रतिनिधी रांजणगाव गणपती (ता. शिरुर) येथील ईकॉम एक्सप्रेस कुरिअर कंपनीच्या कामगाराने पार्सलमधून आलेल्या महागड्या मोबाईलचा अपहार केल्याची घटना घडली.
याबाबत किरण नामदेव नरवडे (वय ३० रा. खंडाळे, ता. शिरुर, जि. पुणे) यांनी रांजणगाव एमआयडीसी पोलीस स्टेशन येथे फिर्याद दिल्याने पोलिसांनी लक्ष्मण विश्वनाथ लोंढे (रा. रांजणगाव गणपती, ता. शिरुर जि. पुणे मूळ रा. होळकर नगर त. पूर्णा जि. परभणी) याच्या विरुद्ध गुन्हा दाखल केला आहे.
याबाबत पोलिसांनी दिलेली माहिती पुढीलप्रमाणे
सदर कुरिअर कंपनीच्या कामगाराकडे दिवसभरात ग्राहकांना देण्यासाठी काही महागड्या वस्तूंचे पार्सल दिलेले होते. त्यांनतर एका ४३ हजार रुपये किमतीच्या मोबाईलचे पार्सल ग्राहकाला मिळालेले नसल्याचे कंपनीचे व्यवस्थापक किरण नरवडे यांच्या लक्षात आल्याने त्यांनी चौकशी केली असता कामगार लक्ष्मण लोंढे याने अपहार केल्याचे लक्षात आले. पुढील तपास पोलीस हवलदार वैभव मोरे हे करत आहेत.
