198 शिरूर विधानसभा मतदारसंघांमध्ये आचारसंहितेचा भंग केल्यास कडक कारवाई करण्यात येईल - संगीता राजापूरकर
१९८ शिरूर विधानसभा मतदार संघामध्ये निवडणूक कार्यक्रम जाहीर झाला असून १५ ऑक्टोबर २०२४ पासून अचारसहिता चालू झाली आहे.निवडणूक काळामध्ये राजकीय पक्ष, नेते कार्यकर्ते यांनी आचारसंहितेचे कडेकोट पालन करावे आचारसंहितेचे उल्लंघन करणाऱ्या वर कडक कारवाई करण्यात येणार असल्याचे निवडणूक निर्णय अधिकारी संगीता राजापूरकर यांनी पत्रकार परिषदेमध्ये सांगितले.
त्यामुळे शिरूर हवेली विधानसभेसाठी प्रशासन सज्ज झाले आहे.
22 ऑक्टोबर पासून उमेदवारी अर्ज स्वीकारण्यात येणार आहे हे उमेदवारी अर्ज शिरूर तहसील कार्यालय येथील तहसीलदार यांच्या चेंबर मध्ये स्वीकारण्यात येणार असल्याचे त्यांनी सांगितले.
उमेदवारी स्वीकारण्याचा शेवटचा दिवस 29 ऑक्टोबर आहे. 30 ऑक्टोबर रोजी छाननी होणार असून, २० नोव्हेंबर रोजी मतदान प्रक्रिया पार पडणार आहे .२३ नोव्हेंबर रोजी मतमोजणी होणार असल्याची माहिती शिरूर विधानसभेचे निवडणूक निर्णय अधिकारी संगिता रांजापुरकर यांनी पत्रकार परिषदेत दिली.
निवडणूक काळामध्ये आचारसंहितेचे कडेकोट पालन प्रत्येक उमेदवार यांनी करावे आचारसंहितेचे उल्लंघन करणाऱ्या वर कडक कारवाई करण्यात येणार असल्याचे निवडणूक निर्णय अधिकारी यांनी सांगितले.
निवडणूक काळामध्ये कायदा सुव्यवस्था व आचारसंहितेचे पालन व्हावे याकरिता निवडणूक आयोगाने तक्रार ॲप तयार केले असून त्यावर तक्रार करायची आहे. त्या तक्रारीचे निरासन करण्यात येणार असून यासाठी शिरूर तहसील कार्यालय येथे कंट्रोल रूमची उभारणी केली आहे. तसेच या अनुषंगाने शिरूर हवेली तालुक्यामध्ये नऊ फ्लाईंग स्कॉडचि स्थापना केली असून हे २४ तास कार्यरत राहणार आहेत. तसेच ३ स्थायी पथकाची नेमणूक केली असून शिरूर तालुक्यासाठी दोन तर हवेली तालुक्यासाठी वाघोली १ पथक असणार आहे.
तर शिरूर 17 कमानी पुलाजवळ एक चेक नाका तसेच तांदळी येथे एक चेक नाका असणार आहे. त्याबरोबर एक फिरते पथक राहणार आहे.
उमेदवार यांना त्यांच्या सभेसाठी, रॅलीसाठी, लाऊड स्पीकर साठी, वाहनांसाठी, व इतर शासकीय परवानगीसाठी शिरूर तहसील शिरूर तहसील कार्यालय येथे एक खिडकी योजना सुरू केली आहे त्यासाठी नायब तहसीलदार तसेच नागरपरिषद, सार्वजनिक बांधकाम विभाग, पंचायत समिती,, पोलीस प्रशासन महसूल विभाग व इतर विभागाचे अधिकारी या ठिकाणी परवानगी देण्यासाठी उपलब्ध राहणार आहेत.
शिरूर विधानसभा मतदार संघासाठी सहाय्यक निवडणूक अधिकारी म्हणून तहसीलदार बाळासाहेब म्हस्के यांची नियुक्ती करण्यात आली आहे.
निवडणूक उमेदवारी अर्ज भरणे दिनांक २२ ऑक्टोबर ते दिनांक २९ ऑक्टोबर २०२४ पर्यंत भरण्याची मुदत आहे.
अर्ज छाननी दिनांक ३० ऑक्टोबर
अर्ज मागे घेणे शेवटची ३० ऑक्टोबर ते दिनांक ४ नोव्हेंबर २०२४
निवडणूक मतदान दिनांक २० नोव्हेंबर २०२४
आणि निवडणुकीचा मतमोजणी दिनांक २३ नोव्हेंबर रोजी होणार असल्याचे त्यांनी सांगितले.
शिरूर विधानसभा मतदार संघात ४ लाख ५९ हजार ६९३ मतदार आहेत . त्यात पुरुष मतदार २ लाख ३८ हजार ८९७ तर महीला मतदार २ लाख २० हजार ७७३ तर इतर २३ एवढी आहे.
शिरूर तालुका एकुण मतदार २ लाख ११ हजार ४०९, पुरूष मतदार १ लाख ७ हजार २४७, महीला मतदार १ लाख ४ हजार २५२, इतर १०,हवेली तालुका एकूण मतदार २ लाख ४८ हजार २३१, पुरूष मतदार १ लाख ३१ हजार ६२७, महीला मतदार १ लाख १६ हजार ५९१ इतर १३
असे एकूण शिरूर विधानसभा मतदार संघात ४ लाख ५९ हजार ६९३ मतदार आहेत.
आर्मी नोकरीत असणारे ४०३ मतदार , ३५४६ दिव्यांग मतदार आहेत तर ८५ वर्षांवरील ५४९० मतदार आहेत
या निवडणुकीसाठी शिरूर हवेली तालुक्यात करिता ४५७ मतदान केंद्र असल्याचे निवडणूक निर्णय अधिकारी संगीता राजापुरकर यांनी सांगितले.
